RUDI MAMA (SEHEMU YA KWANZA)
MWL JOSHUA
0622186752 WHATSAPP/SMS/CALL
Helen alilia kwa uchungu huku akimshika mama yake begani akisema
`` Mama amka mama amka ‘’
Helen aliita na kupiga kelele kwa takribani dakika kumi na tano bila mafanikio yoyote ,Mama Helen alikuwa tayari ameshaaga dunia muda mrefu
Ilikuwa siku ya jumamosi mama Helen aliamka mapema sana saa kumi za asubuhi alikuwa tayari amekwisha amka ,alipoamka hakuona sababu ya kumwamsha binti yake Hellen kwani alijua atamtoa kwenye usingizi ,cha zaidi alichokifanya alimsogelea na kumbusu kisha alimwongezea blanketi alilokuwa amelalia yeye ,baada ya hapo aliondoka kwa kunyata kutoka nje
Akiwa anatoka nje alikurupushwa na sauti ya mume wake aitwae Erick
``W ewe mwanamke unaenda wapi sasa hivi wewe ‘’
Erick alikuwa amelala chini sakafuni akiwa amelewa chakari ,baada ya kurejea kutoka matembezini saa saba za usiku
Mama Helen hakuwa na muda wa kujibizana na mume wake kwani alikuwa akimchukulia kama mwendawazimu ,hajawai kuleta chochote katika familia ile kodi ya nyumba inalipwa na mkewe ,matumizi ya nyumbani ,kusomesha mtoto kila kitu kilikuwa kinafanywa na mama Helen, Erick kazi yake kubwa ilikuwa ni kulewa tu na kuzunguka mara nyingine alikuwa akiiba hadi hela za mkewe na kuzitumia kwa mambo yake bila hata huruma
Mama heleni alikuwa akijishughulisha na biashara ya nguo za mtumba alipata umaarufu mkubwa sana kutokana na kazi yake kila mtu alikuwa akimjua,kazi yake hiyo ilimwezesha mambo mengi sana aliweza kumsomesha mwanae hellen mpaka sasa Hellen yupo la tano gharama zote za shule matunzo ni mama ,jambo ambalo lilimfanya Hellen kumpenda sana mama yake na kumthamini ,Hellen alivalishwa kama ua alipendeza mno ukitegemea mama yake alikuwa muuza nguo,
Siku hiyo ya jumamosi majira ya saa kumi mama Hellen alichukuana na bodaboda wake na giza la asubuhi waliweza kuondoka bila kujali chochote kwani mama hellen alikuwa anaharaka sana ya kwenda kuwahi mzigo mpya uliokuwa ukitoka dubai
Upande wapi pili kulipambazuka Hellen aliamka mapema kabisa na kuangalia pembeni ya kitanda chake alipoona mama yake hayupo alipiga kitanda kwa hasira
``Mama bwana unaniboaga hapo tu umeondoka hata hujaniaga binti yako jamani ‘’
Hellen alikimbia hadi sebuleni aliangalia picha ya mama yake iliyokuwa ukutani aliitoa na kuibusu kisha aliirudisha ,alipoangalia mezani aliona kimfuko kidogo ,alikifungua kwa haraka ,alikutana na barua
``Mwanangu nimewahi kazini pika chai utafunie na hizi sambusa usisahau kumwekea na baba yako ,ikifika mchana nimemwagiza Mama hapy atawaletea chakula mimi nitarudi usiku maana leo nitapitia na sokoni ,nakupenda mwanangu’’
Hellen alikuwa akipenda sana sambusa kwa haraka aliwasha jiko na kupika chai ,alimwekea baba yake sambusa tatu na chai kisha alimsalimu na kumkaribisha ,Baba Hellen alisema
``Hahahah yaan we katoto una akili sana tena kazana ukue tupate mahari sawa ‘’
``Baba bwana ‘’ Hellen aliondoka huku akijisemea
``Yaan namshukuru mama maana huyu baba yangu akili zake zinamtosha mwenyewe’’
Ilipofika Usiku……………………………………………………………..
Majira ya saa mbili usiku mama Hellen alikamilisha biashara zake ,Siku hiyo alikuwa amepata faida kubwa kupita maelezo aliweza kuuza nguo zilizompatia faida ya shilingi elfu hamsini ,alikuwa na rah asana alijisemea
``Asante Mungu najua utanisaidia zaidi ya hapa nimlee mwanangu Hellen pamoja na familia yangu’’
Aliagiza boda boda kwa ajili ya kuelekea nyumbani
Siku hiyo ilikuwa siku ya ajabu kila kijana wa bodaboda aliyeitwa na mama Hellen alitoa kisingizio
Wengi walisema muda umekwenda wengine walisingizia umbali ,kutoka sokoni hadi nyumbani kwa mama Helen kulikuwa na kichochoro kirefu sana ambacho kiliwaogopesha wengi kwani sehemu hizo zilikuwa ni hatari kwa usalama
Mama hellen alishikwa na hofu sana baada ya kuona saa tatu na nusu imemkuta akiwa njiani ,aliamua kuchukua bajaji ambayo ilimpeleka na kumwacha njiani sehemu ambayo ingempasa kutembea kwa miguu
Mama Helen alivyoshushwa alianza kutembea kwa kukimbia kwani kichochoro kile kilikuwa kimefunga sana ,kulikuwa na giza tororo pia kulikuwa na sauti za kuogopesha
Mama Helen alikuwa akimwomba Mungu kimoyomoyo akisema ``Mungu nisaidie tu nifike salama nikamwone mwanangu najua ananingojea kwa hamu “
Alivyomaliza kuomba hivyo alisikia vishindo vya watu wakimfuatia
Mama hellen alikuwa ni mnene sana kwa umbile lake ila siku hiyo hakuamini wepesi ulitoka wapi ,alianza kukimbia kwa kasi sana ,alivyokuwa akikimbia alisikia sauti ikisema
``Wewe mama simama tutakufanya kitu mbaya ‘’
Mama hellen alikimbia sana huku akitetemeka,wakati wote alikuwa akisema
``Helen mwanangu ,Helen mwanangu ‘’
Alipata nguvu ya kukimbia hadi alifanikiwa kutoka katika uchochoro ule ,alipofika karibu na nyumbani kwao alipunguza mwendo huku akihema kwa nguvu na kusema
``Mungu wangu eeeee asante kwa kunivusha hapa’’
Alijilegeza kabisa na kutembea kawaida ,akiwa anatembea alisikia vishindo vikimfuata ,alianza kupiga kelele za kuita watu kwa kuwa alikuwa ameshafika nje ya geti la nyumbani
Helen akiwa sebuleni akimsubiri mama yake kwa hamu ,kwake Helen hakuona chenye kumpa faraja ,Tv ilikuwa imeshamchosha alijikuta akimsubiri mama yake na kuangalia picha ya mama yake ukutani
Ndani ya dakika mbili mama Helen alizingirwa na vijana watatu ,walimsihi na kumwambia
``Toa kila ulicho nacho uondoke’’
Mama Helen aliwasihi kwa upole
``Nisameheni jamani mimi ni mama yenu nalea sasa mnanikaba hivi mnajifutia laana wanangu’’
Wale vijana walikonyezana na kupeana ishara
Kijana mmoja alichomoa kirungu na kumtwanga mama Helen kichwan
``Pwaaaaaaa’’
Mama Helen alitoa sauti moja tu ya mwisho
``Mungu wangu eeee Helen nakufa ‘’
Mama Helen alidondoka chini ,wezi wale waliondoka baada ya kumuua mama Helen na kumpora hela zake zote
Helen akiwa ndani alisikia sauti kama ya mama yake kwa haraka alifungua geti na kutoka nje
Alipofika nje Helen hakuamini macho yake ,alimkuta mama yake akiwa amelala chini kwa mbali damu ilikuwa ikivuja kichwani
Helen alianza kupiga kelele
``Mama mamaaa eee amka mama ‘’
Helen alimshika bega mama yake na kuanza kumnyanyua ila alikuwa amelegea mwili mzima
Majiran walisogea sehemu ile ,kwa haraka walipogusa mapigo ya moyo walibaini ameshapoteza maisha kitambo
Helen alipoambiwa hakuamini alikuwa akimwita tu mama yake kwa nguvu
``Mamaaaaaa mama aaaaa’’
Kitendo hiki kiliwafanya watu watokwe na machozi .ndani ya dakika kumi Erick baba mzazi wa Helen alirejea kutoka katika pombe zake ,alipofika pale alishangazwa na alichokiona ,pombe zote zilikatika pale ,Erick alikuwa akimtegemea mkewe kwa kila kitu si chakula mavazi nk… Erick alipiga kelele ya nguvu
``Mke wanguuuu eee’’
Helen alimsogelea mama yake na kusema
``Mama jamani mama amka ulisema kesho jumapili tutaenda kwa bibi kumsalimu amka mama angu amka mama nitaenda na nani ,nitalala na nani ,nani atanisomesha mama mamaaa’’
Itaendeleaaa
Je Hellen atakuwa katika hali gani ,,,,,,,,,,,,,,,,,fuatilia
Simuliz hii ipo tayari unaweza isoma yote sasa kwa sh 1000
